İran mediası ABŞ-a məxsus hava vasitələrinin izlənməsi və onlara qarşı həyata keçirilən əməliyyatlarla bağlı yeni detallar yayıb.
Army.az xəbər verir ki, yayılan reportajda ABŞ qırıcılarının, o cümlədən F-15 təyyarələrinin izlənməsi ilə bağlı məlumatlar və görüntülərin təqdim edildiyi bildirilir.
Materialda həmçinin Ukrayna istehsalı olduğu iddia edilən pilotsuz uçuş aparatlarının izlənməsi, eləcə də PUA-ların idarə olunmasında yeni texnologiyalardan istifadə məsələsinə toxunulub.
Reportajın əsas diqqət çəkən hissələrindən biri F-15 qırıcısının hansı şəraitdə və hansı İran silah sistemi vasitəsilə hədəfə alındığı ilə bağlı iddialardır.
İran mediası bununla yanaşı, hava hücumundan müdafiə imkanları və pilotsuz sistemlərin idarə olunması ilə bağlı yeni yanaşmalar barədə də məlumat yayıb.
