Polşa Ukraynaya “Patriot” hava hücumundan müdafiə sistemləri üçün əlavə raketlərin göndərilməsi məsələsinə yaxın günlərdə aydınlıq gətirə bilər.
Army.az xəbər verir ki, bu barədə Polşa müdafiə nazirinin müavini Maqdalena Sobkovyak-Çarneçka məlumat verib.
O bildirib ki, bununla bağlı yekun qərarın tezliklə verilməsi gözlənilir:
“Varşava mümkün tədarükü müzakirə edərkən ilk növbədə Polşanın öz təhlükəsizlik maraqlarını nəzərə alacaq. Məsələ ilə bağlı yekun qərar ölkə rəhbərliyinin ən yüksək səviyyəsində qəbul olunacaq. Rusiya tərəfindən raket təhlükəsinin artması fonunda Ukraynaya əlavə hərbi yardım göstərilməsi imkanları nəzərdən keçirilir.
Belə qərarlar Polşa vətəndaşlarının təhlükəsizliyi baxımından qiymətləndirilməli, bütün arqumentlər diqqətlə nəzərdən keçirilməlidir”.
