20
Estoniya Ukraynaya öz hava məkanından istifadə üçün icazə verilmədiyini açıqlayıb.
Army.az xəbər verir ki, bu barədə ölkənin müdafiə naziri Hanno Pevkur məlumat verib.
Nazirin sözlərinə görə, insidentdən dərhal sonra Ukrayna müdafiə naziri ilə əlaqə saxlanılıb və Estoniyanın hava məkanının istifadəsinə icazə verilmədiyi bildirilib.
Məlumatda qeyd olunur ki, hazırda hadisə ilə bağlı araşdırma aparılır və sözügedən pilotsuz uçuş aparatının Ukraynaya məxsus olduğu ehtimal edilir.
Bundan əvvəl Latviyanın beş bölgəsində hava hücumu təhlükəsi ilə bağlı xəbərdarlıq elan olunub, sakinlərə SMS bildirişlər göndərilib və NATO-nun hava patrul missiyası aktivləşdirilib.
