32
İordaniya İran və bölgədəki ona bağlı qrupların ölkəyə qarşı raket və dronlardan istifadə etməsindən narahatlığını bildirib.
Army.az xəbər verir ki, bu barədə xarici KİV məlumat yayıb.
İordaniya Senatının sədri Feysəl əl-Fayez Tehranın ölkəsinə və Körfəz dövlətlərinə qarşı hücumlarını pisləyib. O, bu cür hücumların İordaniyanın təhlükəsizliyinə və vətəndaşlarının həyatına təhdid yaratdığını deyib.
Əl-Fayez vurğulayıb ki, İordaniya öz ərazisinin regional qarşıdurmaların bir hissəsinə çevrilməsinə və başqa ölkələrə qarşı hücumların həyata keçirilməsi üçün istifadə olunmasına imkan verməyəcək.
Senat sədri beynəlxalq ictimaiyyəti İranın hücumlarının qarşısını almaq üçün lazımi tədbirlər görməyə çağırıb.
