İran XİN: Vasitəçilərdən yeni təşəbbüslər daxil olub

İran ABŞ ilə gərginliyin azaldılması istiqamətində vasitəçilər tərəfindən irəli sürülən yeni təkliflər aldığını açıqlayıb.

Army.az xəbər verir ki, bu barədə İran Xarici İşlər Nazirliyinin sözçüsü İsmayıl Bəqayi keçirdiyi mətbuat konfransında məlumat verib.

Onun sözlərinə görə, müxtəlif vasitəçilər gərginliyin yumşaldılması məqsədilə Tehrana bir sıra təşəbbüslər təqdim ediblər.

Bəqayi təkliflərin mövcudluğunu təsdiqləsə də, onların məzmunu və hansı tərəflər tərəfindən irəli sürüldüyü barədə hələlik ətraflı məlumat verməyib.