65
Rusiya ordusu Kiyevdə bir neçə obyektə zərbələr endirib.
Army.az xəbər verir ki, bu barədə Rusiyanın Müdafiə Nazirliyi məlumat yayıb.
Nazirliyin məlumatına görə, Rusiya hərbçiləri “Ukrtelekom” və “Drimlayn” şirkətlərinin məlumatların emalı mərkəzlərini vurub.
Həmçinin Ukrayna ordusunun maraqları naminə istifadə olunan yanacaq infrastrukturu obyektləri də zərbələrə məruz qalıb.
Bundan əvvəl Rusiya hərbçiləri Odessa istiqamətində hərəkət edən, Ukrayna Silahlı Qüvvələri üçün silah və ikili təyinatlı yüklər daşıdığı bildirilən dəniz quru yük gəmisinə hücum edib. Gəmiyə zərbə PUA-lardan istifadə edilməklə endirilib.
