9
Bu gün axşam saatlarında Moskvanın mərkəzində, Kudrinskaya meydanında yerləşən “Balzi Rossi” restoranında partlayış baş verib.
Army.az xəbər verir ki, bu barədə Rusiya Telegram kanalları məlumat yayıb.
İlkin məlumata görə, hadisə nəticəsində 20-yə yaxın şəxs yaralanıb.
Bildirilir ki, partlayışın səbəbi qaz sızması olmayıb. Hadisənin hansı səbəbdən baş verdiyi hələlik rəsmi şəkildə açıqlanmayıb.
Hadisə yerinə təcili tibbi yardım və hüquq-mühafizə orqanlarının əməkdaşları cəlb olunub. Faktla bağlı araşdırma aparılır.
