60
Ermənistanın ikinci prezidenti Robert Köçəryan baş nazir Nikol Paşinyanın səsləndirdiyi bəzi ifadələrə görə hüquqi məsuliyyət daşımadığını iddia edib.
Army.az xəbər verir ki, bu barədə Ermənistan KİV məlumat yayıb.
Onun sözlərinə görə, əgər özü baş nazirlə bağlı eyni məzmunlu açıqlama versəydi, dərhal həbs olunardı:
“Mən belə sözlər desəydim, ertəsi gün məni həbs edərdilər. Amma Nikol Paşinyan eyni ifadələri işlədəndə buna heç bir hüquqi reaksiya verilmir”.
Məhkəmə zamanı hakim müdafiəçi Aram Orbelyana Paşinyanın “öldürəcəyəm” və buna bənzər siyasi bəyanatlarını sitat gətirməyə icazə verməyib. Hakim dövlət rəsmilərinin siyasi çıxışlarının məhkəmə zalında səsləndirilməsinin yolverilməz olduğunu bildirib.
