Tehran şərtlərini açıqladı: Hörmüz boğazı nə vaxt açılacaq?

İranın Hörmüz boğazının açılması ilə bağlı ABŞ-a təqdim etdiyi plan hələ də qüvvədədir.

Army.az xəbər verir ki, bu barədə İranın xarici işlər naziri Abbas Əraqçi bildirib.

Nazir qeyd edib ki, Tehran yeddi günlük planı Vaşinqtona təqdim edib. ABŞ öz mövqeyini açıqlayıb və İran hazırda həmin təklifləri nəzərdən keçirir.

Əraqçi ABŞ-nin səmimiyyətinə inanmadıqlarını da vurğulayıb. Onun sözlərinə görə, İranın şərtləri yerinə yetirilərsə, Hörmüz boğazı altıncı gün tam açılacaq, yeddinci gün isə danışıqlara başlanılacaq.