64
Yəmənin cənubundakı Şəbva əyalətində hərbi düşərgənin raket atəşinə tutulması nəticəsində 40-a yaxın hərbçinin həlak olduğu, bir neçə nəfərin isə yaralandığı iddia edilir.
Army.az xəbər verir ki, bu barədə “Al-Wajha” nəşri məlumat yayıb.
Məlumata əsasən, husilər cənub qüvvələrinin tərkibində fəaliyyət göstərən çevik reaksiya batalyonunun təlim keçdiyi vaxt Əl-Ələm hərbi düşərgəsinə ballistik raketlə zərbə endiriblər.
Hadisə nəticəsində ölən və yaralananların dəqiq sayı hələ məlum deyil. Nəşr qeyd edir ki, itkilərlə bağlı məlumatlar rəsmi mənbələr tərəfindən hələ təsdiqlənməyib.
