Zelenski: “İşlərin ləngidilməsinə yol verilməməlidir”

Ukraynada enerji şəbəkələrinə və elektrik ötürmə obyektlərinə dəyən çoxsaylı ziyan səbəbindən bərpa işləri gecə-gündüz davam edir.

Army.az xəbər verir ki, bu barədə Ukrayna Prezidenti Volodimir Zelenski bildirib.

Onun sözlərinə görə, dayanıqlılıq planlarının icra müddətləri ilə bağlı məruzə dinlənilib. Zelenski işlərin ləngidilməsinin yolverilməz olduğunu vurğulayaraq, infrastruktur nazirliyinin və hərbi administrasiyaların bu sahədə şəxsi məsuliyyət daşıdığını qeyd edib. O, Kiyevdə dayanıqlılıq planlarının demək olar ki, yerinə yetirilmədiyini də bildirib.

Zelenski, həmçinin Dobropillya şəhərində Rusiya hərbçilərinin sızma cəhdlərinin qarşısının alınması istiqamətində nəticələr əldə olunduğunu deyib.