Rusiya Silahlı Qüvvələri Kiyevə müxtəlif tipli 40-dan çox raket və 120 zərbə PUA-sı ilə hücum edib.
Army.az xəbər verir ki, bu barədə Ukrayna Prezidenti Volodimir Zelenski sosial şəbəkə hesablarında məlumat yayıb.
Zelenski bildirib ki, hücum nəticəsində Kiyevdə bir nəfər ölüb, 16 nəfər yaralanıb. Odessa və Zaporojye vilayətlərində də xəsarət alanların olduğu, Sumı və Çerniqov vilayətlərində isə dağıntıların qeydə alındığı açıqlanıb.
Onun sözlərinə görə, üç ərazidə zərbələrin nəticələrinin aradan qaldırılması davam edir və işlərə təxminən 600 xilasedici cəlb olunub.
Zelenski qeyd edib ki, təkcə bu həftə ərzində Rusiya qoşunları Ukrayna ərazisinə təxminən 1 450 zərbə PUA-sı, 1 640-dan çox idarəolunan aviasiya bombası və 99 müxtəlif tipli raket tətbiq edib.
