Əraqçidən ABŞ-a xəbərdarlıq: “Bizim də yarımçıq qalan işlərimiz var”

İran ABŞ-ı mümkün yeni hücumla bağlı xəbərdar edib.

Army.az xəbər verir ki, İranın xarici işlər naziri Abbas Əraqçi Vaşinqtonun ölkəsinə qarşı yenidən hərbi əməliyyatlara başlaya biləcəyi ehtimalına münasibət bildirib.

Əraqçi “X” sosial şəbəkəsindəki paylaşımında ABŞ-a müraciətlə əvvəlki cəhdlərin İranı zəiflətmədiyini, əksinə, ölkənin daha da güclənməsinə səbəb olduğunu iddia edib:

“Sonuncu dəfə başladığınız işi “başa çatdırmaq” istəyəndə İran daha da gücləndi. Yenidən bəxtinizi sınamaq istəyirsiniz? Buyurun. Ancaq ehtiyatlı olun: bizim də yarımçıq qalan işlərimiz var”.