Rusiyanın beşinci nəsil “Su-57E” qırıcı təyyarəsi Malayziyada keçirilən Beynəlxalq Asiya Silah və Hərbi Texnika Sərgisi “Defence Services Asia (DSA) 2026” çərçivəsində nümayiş etdirilib.
Army.az xəbər verir ki, bu barədə TASS məlumat yayıb.
İxrac üçün nəzərdə tutulan “Su-57” modeli “Rosoboroneksport” şirkətinin birgə ekspozisiyasında təqdim olunub. Şirkət daha əvvəl bildirmişdi ki, sərgidə geniş çeşiddə pilotsuz uçuş aparatları da göstəriləcək. Bunlar arasında “S350M-E” (Supercam S350), “Lancet-E”, “KUB-2E”, “RUS-PƏ” kəşfiyyat-zərbə kompleksi, “Skat 350M” kəşfiyyat dronu, eləcə də “Orlan-10E” və “Orlan-30” çoxfunksiyalı sistemləri yer alır.
“Rosoboroneksport” həmçinin qeyd edib ki, “Su-57E” qırıcısına olan sifarişçilərin siyahısı getdikcə genişlənir.
