27
Ukrayna Milli Qvardiyasının Xüsusi Təyinatlı “Omeqa” Mərkəzinin döyüşçülərinin müvəqqəti işğal altında olan Krımdakı Saki hərbi aerodromunda pilotsuz zərbə aparatı ilə Rusiyaya məxsus Su-24M bombardmançı təyyarəsini məhv etdiyi bildirilir.
Army.az xəbər verir ki, bu barədə Ukrayna Milli Qvardiyasının komandanı, general-mayor Aleksandr Pivnenko “Facebook” hesabında paylaşım edib.
Onun sözlərinə görə, “Omeqa” Xüsusi Təyinatlı Mərkəzinin əməkdaşları həyata keçirdikləri əməliyyat zamanı Saki hərbi aerodromunu hədəfə alaraq Rusiyaya aid Su-24M bombardmançı təyyarəsini sıradan çıxarıblar.
