26
Misir və Türkiyə hava qüvvələri Misir ərazisində yerləşən aviabazalarda birgə hərbi təlimlər keçirir.
Army.az xəbər verir ki, təlimlər iki mərhələdən ibarətdir: nəzəri hazırlıq və əməliyyat uyğunlaşdırılması, o cümlədən döyüş konsepsiyalarının unifikasiyası və təlim təcrübəsinin mübadiləsi. Bununla yanaşı, birgə uçuşlar vasitəsilə praktiki əməliyyat tapşırıqları icra olunur.
İştirak edən təyyarələrin sayı və növləri açıqlanmır.
Bu təlimlər 2025-ci ilin sentyabrında keçirilən və 13 il sonra ilk dəfə baş tutan “Dostluq dənizi” adlı birgə dəniz manevrlərindən sonra həyata keçirilir.
Qeyd olunur ki, cəmi bir neçə il əvvəl belə bir hava əməkdaşlığı region üçün demək olar ki, mümkün sayılmırdı.
