Ukraynadan Qərbə çağırış: Patriotlar və sanksiyalar artırılsın

Ukraynanın xarici işlər naziri Andrey Sbiqa Rusiyanın son kütləvi hücumundan sonra Qərb tərəfdaşlarını Kiyevə dəstəyi artırmağa çağırıb.

Army.az xəbər verir ki, bu barədə Ukrayna mediası məlumat yayıb.

Ukrayna Xarici İşlər Nazirliyinin saytında yayımlanan bəyanatda Sbiqa cavab olaraq üç konkret addım təklif edib:

• Ukraynaya Patriot hava hücumundan müdafiə sistemlərinin tədarükünün artırılması;
• Moskvaya qarşı sanksiyaların sərtləşdirilməsi;
• Ukraynanın Avropa İttifaqına üzvlüklə bağlı danışıqlarının sürətləndirilməsi.

“Partnyorları təkcə qınamağa deyil, həm də hərəkət etməyə çağırıram”, – deyə nazir bildirib.