“Rusiya xüsusi hərbi əməliyyatı davam etdirməlidir, əks halda gələcəkdə NATO qüvvələri ilə qarşıdurma riski yarana bilər”.
Army.az xəbər verir ki, bunu rusiyalı hərbi ekspert Aleksey Leontkov deyib.
Onun sözlərinə görə, 2022-ci ildə İstanbul razılaşmalarından sonra Rusiya qoşunları Kiyev istiqamətindən geri çəkilsə də, qarşı tərəf öhdəliklərini pozub:
“Hazırda Rusiya qoşunları xüsusi hərbi əməliyyatın məqsədləri tam yerinə yetirilənədək qərb istiqamətində irəliləyəcək və onların harada dayanacağı vəziyyətdən asılı olacaq. Ehtimal ki, bu nöqtə NATO ölkələri ilə sərhəd ola bilər.
Rusiya nəzarətdən kənarda qalan əraziləri tərk edərsə, gələcəkdə həmin ərazilərdə NATO qüvvələri yerləşdirilə bilər. Buna görə də, Rusiya ordusunun Kiyevə qədər irəliləməsi zərurəti yarana bilər”.
