Qəzza yenidən atəş altında: İsrailin hava hücumlarında 18 nəfər həlak olub

İsrail ordusu Qəzza zolağına növbəti hava zərbələri endirib.

Army.az xəbər verir ki, bu barədə Reuters agentliyi məlumat yayıb.

Bildirilib ki, hücumlar nəticəsində Qəzza zolağında azı 18 nəfər həlak olub:

“Hərbi təyyarələr Qəzza şəhəri, Deyr əl-Bələh və Xan Yunisə zərbələr endirib. Səhiyyə Nazirliyinin məlumatına əsasən, yaşayış evləri və məcburi köçkünlərin məskunlaşdığı çadır düşərgələri zərər görüb”.

İsrail ordusu isə bildirib ki, Deyr əl-Bələhə endirilən zərbələrin hədəfi HƏMAS-ın “Nuxba” xüsusi təyinatlı bölməsinin iki komandiri olub. Ordunun açıqlamasına görə, digər ərazilərdə isə “hərbi əməliyyatçılar” hədəfə alınıb.