Moskvadan açıqlama: Ermənistan məhsullarına qadağaların səbəbi nədir?

Rosselxoznadzor Ermənistandan gətirilən ərzaq məhsullarına tətbiq olunan son məhdudiyyətlərin siyasi deyil, texniki və nəzarət problemlərindən qaynaqlandığını bəyan edib.

Army.az xəbər verir ki, bu barədə Rusiya mediası məlumat yayıb.

Qurum rəhbəri Sergey Dankvert bildirib ki, istehsal zəncirindəki boşluqlar və məhsulların müxtəlif təsərrüfatlardan qarışıq şəkildə ixraca hazırlanması keyfiyyətə nəzarəti çətinləşdirir.

Onun sözlərinə görə, qərarlar laborator yoxlamalar və uzunmüddətli müşahidələr əsasında qəbul olunur, siyasi amillərlə əlaqələndirilməməlidir.