Böyük Britaniya hökuməti aviaşirkətlər üçün yeni qaydalar tətbiq edib.
Army.az xəbər verir ki, bu barədə Böyük Britaniya Nəqliyyat Nazirliyi məlumat verib.
“Aviaşirkətlər eyni istiqamət üzrə uçuşları birləşdirə biləcəklər. Məqsəd artan yanacaq xərcləri fonunda qənaət etmək və yarımboş reyslərin qarşısını almaqdır.
Bu qərarın əsas səbəbi Yaxın Şərq regionunda davam edən gərginlik və bunun enerji bazarına təsiridir.
Əvvəllər qüvvədə olan qaydalara görə, aviaşirkətlər hava limanı slotlarını qorumaq üçün mövsüm ərzində ən azı 80% istifadə etməli idi. Bu səbəbdən bəzi hallarda hətta boş təyyarələr belə uçuş həyata keçirirdi.
Hazırda hökumət vətəndaşlara yay planlarını dəyişməməyi tövsiyə etsə də, daxili turizmə üstünlük verməyi məsləhət görür.
Enerji bazarında yaranan vəziyyət fonunda bəzi ölkələrdə yanacaq qiymətlərinin artdığı və aviasiya kerosininin ehtiyatlarının azalması ilə bağlı narahatlıqların artdığı qeyd olunur”.
