Ukrayna Hərbi Hava Qüvvələri kütləvi dron hücumunun dəf edilməsi zamanı ilk dəfə yeni hava hücumundan müdafiə kompleksini nümayiş etdirib.
Army.az xəbər verir ki, bu barədə “Militarny” məlumat yayıb.
Söhbət “STASH” hava hücumundan müdafiə sistemi olan “ZRK”dən gedir. Kompleksin döyüş tətbiqini əks etdirən görüntülər Qərb Hava Komandanlığı tərəfindən yayımlanıb.
Videoya əsasən, bu sistemin “Tempest” hava hücumundan müdafiə sistemi kompleksinin modifikasiyası olduğu ehtimal edilir. Yeni versiyada platforma kimi istifadə olunan yüngül “buggy” tipli şassi qoşqu ilə əvəz olunub.
Tempest ilk dəfə V2X tərəfindən 2025-ci ilin oktyabrında təqdim edilib. Sistem yüksək mobil və az görünən olmaq üçün hazırlanıb və əsasən pilotsuz aparatlara, helikopterlərə və aşağı hündürlükdə uçan təyyarələrə qarşı nəzərdə tutulub.
Kompleksdə hədəflərin məhv edilməsi üçün AGM-114 Hellfire raketlərindən istifadə olunduğu bildirilir.
Qeyd edək ki, 2026-cı ilin əvvəlində Ukrayna Silahlı Qüvvələrinin bu tip sistemlərlə təchiz olunduğu məlum olmuşdu, lakin onların ötürülməsi rəsmi şəkildə açıqlanmamışdı.
