24
Avropa İttifaqının xarici siyasət və təhlükəsizlik siyasəti üzrə ali nümayəndəsi Kaya Kallas Avropa cəmiyyətində Ukrayna müharibəsi ilə bağlı yorğunluq əlamətlərinin artdığını bildirib. O qeyd edib ki, Kiyevə göstərilən yardımın davam etdirilməsinin vacibliyini Avropa ictimaiyyətinə anlatmaq əvvəlki dövrlərlə müqayisədə daha mürəkkəb xarakter alıb.
Army.az xəbər verir ki, Kallas bu fikirləri Kanadanın xarici işlər naziri Anita Anand ilə Monreal Universitetində baş tutan ictimai müzakirə çərçivəsində səsləndirib.
Aİ-nin xarici siyasət rəhbəri Ukraynaya dəstəyin saxlanılmasının əhəmiyyətinə diqqət çəkərək Avropa dövlətlərini bu istiqamətdə daha fəal və qətiyyətli mövqe nümayiş etdirməyə çağırıb.
