19
“Ermənistanın sərhəd qoşunları İran və Türkiyə ilə sərhədin müxtəlif hissələrində mərhələli şəkildə yerləşdiriləcək”.
Army.az xəbər verir ki, bunu Ermənistanın Baş naziri Nikol Paşinyan deyib.
Onun sözlərinə görə, bu proses dövlətin imkanları artdıqca genişlənəcək və daha çox ərazi Ermənistan sərhədçilərinin nəzarətinə keçə bilə:
“Hazırda sərhədlərin qorunması üçün rus sərhədçilərinə də ödəniş edilir və bəzi hallarda bu məbləğin artırılması məsələsi qaldırılıb. Gələcəkdə Ermənistan öz resurslarını gücləndirdikcə daha geniş nəzarət imkanına sahib ola bilər, Rusiya tərəfi isə ölkə üçün məqbul olan maliyyə çərçivəsində fəaliyyətini davam etdirə bilər”.
