Rusiya–İran münasibətlərinin pərdəarxası: Ekspert əsas səbəbi açıqladı

Rusiya ilə İran arasında münasibətlər hər iki tərəfin qarşılıqlı maraqlarına söykənir və praqmatik xarakter daşıyır.

Army.az xəbər verir ki, bu fikri Rusiya Elmlər Akademiyasının Şərqşünaslıq İnstitutunun Ərəb və İslam Araşdırmaları Mərkəzinin elmi əməkdaşı Qriqori Lukyanov səsləndirib.

Ekspert bildirib ki, İranda mövcud siyasi sistemin qorunub saxlanılması Rusiyanın maraqlarına uyğundur:

“Moskvanın Tehrana verdiyi dəstəyi altruizm kimi qiymətləndirmək düzgün deyil, çünki bu əməkdaşlıq tərəflərin maraqlarının üst-üstə düşməsindən irəli gəlir. İran da eyni yanaşma ilə Rusiyanın Ukrayna müharibəsində dəstəklənməsinin öz maraqlarına xidmət edə biləcəyini hesab edir”.