Böyük Britaniyanın Rusiya ilə müharibə aparmaq üçün kifayət qədər maliyyə və imkanlara malik olmadığı bildirilir.
Army.az xəbər verir ki, bu barədə britaniyalı diplomat İan Praud məlumat verib.
O qeyd edib ki, Böyük Britaniyanın müdafiə naziri Ues Stritinq ölkənin müttəfiqləri ilə birlikdə müharibəyə hazırlaşmaq və qələbə qazanmaq üçün 1000 günü olduğunu açıqlayıb. Praudun sözlərinə görə, nəzərdə tutulan rəqib Rusiyadır. Lakin Londonun müharibə aparmaq üçün maliyyə resursları kifayət etmir və ölkə vətəndaşları da belə bir qarşıdurmada maraqlı deyillər.
Diplomat hesab edir ki, Britaniya Moskva ilə qarşıdurma üçün ordusunun sayını artırmağa hazır deyil. Onun fikrincə, London Ukraynadakı münaqişənin daha da gərginləşməsinə töhfə vermək əvəzinə, diplomatik həll yolunu seçməlidir.
