36
İsrail ABŞ-dan aldığı ilk SH-60F “Seahawk” helikopterini rəsmi şəkildə Silahlı Qüvvələrinin arsenalına daxil edib.
Army.az xəbər verir ki, bu barədə İsrail Hərbi Hava Qüvvələrinin (IAF) yaydığı məlumatda bildirilib.
Qeyd olunub ki, iyulun 29-da silahlanmaya qəbul edilən helikopter Aralıq dənizi və Şərqi Aralıq dənizində həyata keçirilən dəniz patrulu, müşahidə və dəstək əməliyyatlarının imkanlarını əhəmiyyətli dərəcədə genişləndirəcək.
İsrail Müdafiə Qüvvələrinin (IDF) açıqlamasına görə, yeni helikopterlərin istismarı məqsədilə Palmachim aviabazasında yerləşən 193-cü Eskadrilya təntənəli mərasimlə yenidən fəaliyyətə başlayıb.
