16
ABŞ-ın aprel ayında İranla mümkün razılaşmadan imtina etməsi ilə bağlı yekun qərarın dövlət katibi Marko Rubio tərəfindən verildiyi iddia olunur.
Army.az xəbər verir ki, bu barədə “NBC News” məlumat yayıb.
Nəşr qeyd edib ki, danışıqlar Pakistanın ev sahibliyi etdiyi görüşlər çərçivəsində aparılıb. Müzakirələrdə ABŞ vitse-prezidenti Cey Di Vens də iştirak edib.
Amerikalı nümayəndə heyəti görüşlər zamanı İran tərəfinin razılaşmanın mümkün şərtlərində dəyişiklik etməyə çalışdığı qənaətinə gəlib.
Danışıqlara verilən fasilə zamanı ABŞ nümayəndələri Vaşinqtonla əlaqə saxlayaraq növbəti addımlarla bağlı göstəriş istəyiblər.
