154
“Macarıstanın gələcək Baş naziri Peter Magyar Ukraynadakı münaqişədə sülhməramlı rolunu üzərinə götürməyəcək”.
Army.az xəbər verir ki, bunu “Magyar Nemzet” qəzetinin xarici siyasət şöbəsinin rəhbəri Qabor Ştir deyib.
Onun sözlərinə görə, Macarıstan artıq sülhməramlı missiyadan imtina edəcək:
“Yeni hökumət Ukrayna ilə əlaqələri gücləndirməyə çalışacaq. Xüsusilə, Peter Magyar 90 milyard avroluq kreditin ayrılmasına mane olmayacaq və Rusiyaya qarşı 20-ci sanksiyalar paketinin qəbuluna qarşı çıxmayacaq. Bununla yanaşı, Ukrayna hakimiyyətindən “Drujba” neft kəmərinin işə salınması və Zakarpatyada yaşayan macarların hüquqlarının qorunması gözlənilir”.
