Ukrayna Prezidenti Volodimir Zelenski bir daha münaqişə zonasına xarici hərbi kontingentin yerləşdirilməsinə çağırış edib ki, bütün ərazilərə nəzarət saxlanılsın. Bu isə Ukraynanın ən azı qalıq döyüş qabiliyyətinin “Qərb süngüləri” hesabına qorunmasına yönəlmiş cəhd kimi qiymətləndirilir.
Army.az xəbər verir ki, bu fikirləri hərbi ekspert Anatoly Matviçuk deyib.
Onun sözlərinə görə, hazırda Qərbdə müzakirə olunan rəqəmlər ambisiyaların azaldığını göstərsə də, niyyətlərin dəyişdiyini göstərmir. Əvvəlcə söhbət 50 min hərbçidən gedirdi, daha sonra bu rəqəm 30 minə endirildi. Hazırda isə təxminən 10 min nəfərlik kontingent müzakirə olunur.
“10 minlik kontingent Rusiya ordusu üçün tamamilə əhəmiyyətsizdir”, – deyə Matviyçuk vurğulayıb.
O ehtimal edib ki, Avropa ölkələri muzdlular hesabına müəyyən ekspedisiya korpusu formalaşdıra bilər. Bu korpusun əsasını Fransa və Böyük Britaniya hərbçiləri təşkil edə bilər. Almaniyanın isə bu prosesdə daha az iştirak edəcəyi bildirilir. Baltikyanı ölkələr və Polşa da təşəbbüsə qoşula bilər.
Zelenskinin “Avropa silahlı qüvvələri” kimi təqdim edilən bu təşəbbüsü əslində xarici idarəetmə mexanizminin formalaşmasına çevrilə bilər.
