18
Milyonçu İlon Mask tarixdə ilk dəfə sərvəti 1 trilyon dolları keçən şəxs olub.
Army.az xəbər verir ki, bu barədə “Reuters” məlumat yayıb.
Məlumatına görə, bu nəticə SpaceX şirkətinin rekord həcmli IPO-sundan (ilkin kütləvi səhm təklifi) sonra qeydə alınıb.
Şirkət səhmlərini hər biri 135 dollardan satışa çıxararaq 75 milyard dollar investisiya cəlb edib. Bu göstərici ABŞ tarixində ən böyük ilkin səhm yerləşdirməsi hesab olunur.
Birjaya çıxışdan sonra SpaceX-in bazar dəyəri 1,77 trilyon dollar olaraq qiymətləndirilib.
Maskın sərvətinin əsas hissəsi məhz SpaceX-dəki paylarından formalaşır. Şirkətin dəyərinin artması nəticəsində sahibkarın ümumi sərvəti 1,1 trilyon dollar həddini keçib.
