İran ABŞ obyektlərinə dron zərbələri endirdi

İran Silahlı Qüvvələri Bəhreyn və İordaniyada yerləşən ABŞ hərbi obyektlərinə dron hücumları həyata keçirildiyini açıqlayıb.

Army.az xəbər verir ki, bu barədə İran ordusu məlumat yayıb.

Bildirilib ki, Bəhreyndəki Şeyx İsa aviabazasında ABŞ ordusuna məxsus yanacaq və iri avadanlıq anbarları, texniki obyektlər, eləcə də hərbi personalın yerləşdiyi ərazilər PUA zərbələrinin hədəfi olub.

İran ordusunun məlumatına görə, İordaniyanın Əl-Əzraq aviabazasında da ABŞ hərbi təyyarələrinin yerləşdiyi anqarlar, texniki xidmət obyektləri və hərbçilərin məskunlaşdığı ərazilər dronlarla vurulub.