“Gürcüstanda “Vahid Milli Hərəkat” partiyası yenidən hakimiyyətə qayıda bilməyəcək”.
Army.az xəbər verir ki, bunu “Gürcüstan naminə Qaxariya” partiyasının üzvü, deputat Giqa Parulava bildirib.
Onun sözlərinə görə, Gürcüstan cəmiyyəti bu partiyaya hələ 2012-ci ildə qəti şəkildə “yox” deyib və həmin qərar bu gün də dəyişməyib.
Parulava bildirib ki, hətta partiyanın öz seçiciləri də daxili çəkişmələrdən yorulublar:
“Mixeil Saakaşvili yeganə məhkumdur ki, məhkəmə zalından yayımlanan videolar və müraciətlər vasitəsilə siyasi müşavirələr keçirir. Bu gün “Milli Hərəkat” öz ritorikası, narrativi və fəaliyyəti ilə birbaşa “Gürcü Arzusu”nun təbliğatına xidmət edir. Tərəflər faktiki olaraq bir-birini gücləndirirlər. Partiya 2012-ci ildən bəri dərin siyasi böhran yaşayır”.
