17
Dünya neft bazarında qiymətlər artım trendini qoruyur. ABŞ-ın İrana qarşı tətbiq etdiyi məhdudiyyətləri uzada biləcəyi ilə bağlı xəbərlər bu yüksəlişi daha da gücləndirib.
Army.az xəbər verir ki, “Brent” markalı neftin qiyməti 111 dollar həddini aşıb.
Neft ardıcıl səkkizinci gün bahalaşıb. Hörmüz boğazı ətrafında artan gərginlik və tanker daşımalarında azalma qlobal təchizatla bağlı narahatlıqları daha da artırır.
Mütəxəssislər bildirirlər ki, Vaşinqton və Tehran arasında mövcud çıxılmaz vəziyyət davam edərsə, enerji bazarında böhran dərinləşə və qiymətlər daha da yüksələ bilər.
