İtaliyanın Baş naziri Corcia Meloninin Ukraynaya yardımın növbəti paketinin göndərilməsini ABŞ-da keçiriləcək aralıq seçkilərədək təxirə saldığı iddia olunur.
Army.az xəbər verir ki, bu barədə “Il Giornale d’Italia” nəşri məlumat yayıb.
Nəşrin yazdığına görə, əvvəlki yardım göndərişindən 10 ay keçib. Yeni yardım partiyasının hazır olduğu bildirilsə də, onun nə vaxt yola salınacağı hələ müəyyənləşdirilməyib.
Məlumatda qeyd olunur ki, gecikmə İtaliyanın müttəfiqləri ilə münasibətlərinə təsir göstərə bilər. Söhbət Meloninin Fransa Prezidenti Emmanuel Makron və Ukrayna Prezidenti Volodimir Zelenski qarşısında götürdüyü öhdəliklərin yerinə yetirilməsi ilə bağlı mümkün çətinliklərdən gedir.
İtaliya hökuməti isə Ukraynaya dəstəyin davam etdiriləcəyini bildirib. Bununla belə, yardımın göndəriləcəyi tarix və qalan maneələr barədə açıqlama verilməyib.
