17
Qazaxıstanın Nəqliyyat Nazirliyi Aktau hava limanı yaxınlığında AZAL aviaşirkətinə məxsus təyyarənin qəzaya uğraması ilə bağlı araşdırmaları davam etdirir.
Army.az xəbər verir ki, bu barədə TASS məlumat yayıb.
Nazirlikdən bildirilib ki, araşdırma komissiyası işini Beynəlxalq Mülki Aviasiya haqqında Konvensiya-nın 13-cü Əlavəsində müəyyən edilən beynəlxalq standart və tövsiyələrə uyğun şəkildə aparır.
Qeyd olunub ki, istintaq yekunlaşdıqdan sonra nəticələr rəsmi hesabat şəklində nazirliyin saytında dərc ediləcək.
Hesabatda qəzanın səbəbləri, komissiyanın gəldiyi nəticələr və gələcəkdə oxşar hadisələrin qarşısının alınması üçün tövsiyələr yer alacaq.
