Tramp: Mən və Bibi olmasaydıq, İsrail məhv olardı

ABŞ Prezidenti Donald Tramp İranın nüvə proqramı ilə bağlı açıqlama verərək, özünün və İsrailin Baş naziri Benyamin Netanyahunun rolunu vurğulayıb.

Army.az xəbər verir ki, Trampın sözlərinə görə, əgər o və Netanyahu olmasaydı, İran çoxdan nüvə silahı əldə etmiş və İsraili məhv etmiş olardı.

“Mən və Bibi (Benyamin Netanyahu – red.) olmasaydıq, İran artıq nüvə silahına sahib olardı və İsraili məhv edərdi”, – deyə ABŞ prezidenti bildirib.

Tramp, həmçinin Netanyahu ilə İran məsələsində müəyyən fikir ayrılıqlarının olduğunu da etiraf edib.

“Bəzi kiçik fikir ayrılıqlarımız var. Amma ümumilikdə mövqelərimiz bir-birinə çox yaxındır”, – deyə o əlavə edib.