23
Ukrayna Silahlı Qüvvələri Kiyev su anbarı bölgəsindən Sumı şəhərinə qədər uzanan fasiləsiz müdafiə xətti qurur.
Army.az xəbər verir ki, bu barədə Ukrayna Silahlı Qüvvələrinin mühəndis qoşunlarının rəhbəri Vasıl Sirotenko məlumat verib.
O bildirib ki, layihənin qısa müddətdə başa çatdırılması üçün böyük həcmdə qüvvə və vasitələr səfərbər edilib. Məqsəd düşmənin bu istiqamətdən ölkə ərazisinə gözlənilməz hücum imkanlarını aradan qaldırmaqdır.
Qeyd olunur ki, bu müdafiə xətti reallaşacağı halda Çerniqov vilayətinin böyük hissəsi və Sumı vilayətinin əhəmiyyətli bir qismi onun arxasında qalacaq.
