ABŞ Prezidenti Donald Tramp İran məsələsini gündəmdən çıxarmayacaq və Ukrayna münaqişəsinin aktiv tənzimlənməsinə qayıtmayacaq.
Army.az xəbər verir ki, bunu amerikalı politoloq Rafael Orduxanyan deyib.
Onun sözlərinə görə, İran məsələsi Tramp üçün hazırda əsas prioritetlərdən biridir və bu istiqamətdə diplomatik gərginlik davam edir.
Ekspert qeyd edib ki, ABŞ daxilində siyasi vəziyyətin kəskinləşməsi də Trampı bu gündəmdən uzaqlaşmağa imkan vermir:
“Ukrayna məsələsi faktiki olaraq Avropaya həvalə edilib və Vaşinqtonun rolu daha çox məhdud xarakter daşıyır. ABŞ yalnız diplomatik protokol səviyyəsində və NATO vasitəsilə silah satışları çərçivəsində prosesdə iştirak edir. Tramp yaxınlaşan seçkilər fonunda həm demokratlar, həm də öz partiyası daxilində tənqidlərə məruz qalır. İranla bağlı danışıqların davam edəcəyi gözlənilir və bu mövzu ABŞ siyasətində əsas istiqamətlərdən biri olaraq qalacaq”.
