ABŞ ordusu yaxın aylarda “ultra uzaqmənzilli” sistemlərin sınağı üçün təchizatçılara müqavilələr verməyi planlaşdırır. Bu sistemlər gələcəkdə kəşfiyyat təyyarələrini, o cümlədən gələcəkdə Yüksək Dəqiqlik Aşkarlama və İstismar Sistemi (HADES) platformasını təchiz edəcək.
Army.az xəbər verir ki, bu barədə “Breaking Defense” məlumat yayıb
“Ordu G-2 strukturunda yeni Strategiya və Transformasiya Ofisinin direktoru Endryu Evans bildirib ki, ilkin mərhələdə qısamüddətli sınaq müqavilələri veriləcək və bu il ərzində nümayiş planlaşdırılır. Daha uzunmüddətli müqavilələr isə gələn ildən başlayaraq 1000 km-ə qədər uçuş qabiliyyətinə malik sistemlər üçün bir neçə şirkətə veriləcək.
Evans vurğulayıb ki, gələcək yanaşma “komanda içində komandalar” modelinə əsaslanır və məqsəd yüksək rəqabətli mühit yaratmaqdır.
Onun sözlərinə görə, Ordu artıq M1E3 tankı, çoxmühitli buraxılış sistemi və yeni nəsil komanda-idarəetmə proqramlarında da bu modeldən istifadə edir.
1000 km-lik hədəf isə sənayeni daha innovativ həllərə sövq etmək üçün nəzərdə tutulub”, – deyə qeyd edilib.
