39
İsrail İranın enerji sektoru ilə əlaqəsi olmayan infrastruktur obyektlərinə və raket buraxılış qurğularına zərbələr endirir.
Army.az xəbər verir ki, bu barədə İsrailin ABŞ-dakı səfiri Yexiel Leyter X sosial şəbəkəsində paylaşım edib.
Onun sözlərinə görə, İsrail hazırda İranın “yer-yer” tipli raket buraxılış sistemlərini, eləcə də enerji infrastrukturu ilə bağlı olmayan digər obyektləri hədəfə alır.
Leyter bildirib ki, İran bundan əvvəl İsrail istiqamətində 11 ballistik raket buraxıb.
Diplomat eyni zamanda “Hizbullah” hərəkatına da xəbərdarlıq edib. O qeyd edib ki, təşkilatın Livanın Dahiya bölgəsində yerləşən komanda mərkəzi İsrailə qarşı hücum olacağı təqdirdə ciddi zərbələrə məruz qalacaq.
