“Tarixi görüş idi” – Zelenski Trampla təkbətək söhbətindən danışdı

Ukrayna Prezidenti Volodimir Zelenski ABŞ Prezidenti Donald Trampla münasibətlərində dönüş nöqtəsinin Vatikanda keçirilən şəxsi görüş olduğunu bildirib.

Army.az xəbər verir ki, bu barədə o, amerikalı jurnalist Laura Lumerə müsahibəsində danışıb.

Zelenskinin sözlərinə görə, Trampla 15-20 dəqiqəlik təkbətək söhbət onların münasibətlərinin xarakterini dəyişib.

“Bəli, görüş qısa oldu, amma mənim fikrimcə, tarixi əhəmiyyət daşıyırdı. Ətrafımızda heç kim yox idi, yalnız ikimiz idik”, – deyə Zelenski bildirib.