32
İordaniya Silahlı Qüvvələri ölkənin hava məkanına daxil olan İrana məxsus altı pilotsuz uçuş aparatının (PUA) məhv edildiyini açıqlayıb.
Army.az xəbər verir ki, bu barədə İordaniya Silahlı Qüvvələrinin Baş Komandanlığının nümayəndəsi “X” sosial şəbəkəsində yayımladığı bəyanatda məlumat verib.
Bildirilib ki, əməliyyat zamanı İran PUA-ları uğurla zərərsizləşdirilib. Hadisə nəticəsində xəsarət alan olmayıb və infrastruktur obyektlərinə də ziyan dəyməyib.
Açıqlamada həmçinin qeyd olunub ki, günün birinci yarısında İordaniya hava hücumundan müdafiə qüvvələri krallığın hava məkanına yönələn İranın yeddi ballistik raketini də uğurla dəf edib.
