Ermənistanda seçkilər başlayıb

Bu gün Ermənistan Respublikasında növbəti parlament seçkiləri keçirilir.

Army.az xəbər verir ki, bu barədə Ermənistan KİV məlumat verib.

Saat 08:00-a olan məlumata görə, bütün 2005 seçki məntəqəsi açılıb və onlar saat 20:00-da bağlanacaq. Bundan sonra səslərin hesablanması prosesinə başlanacaq.

Mərkəzi Seçki Komissiyasının açıqladığı məlumatlara əsasən, səsvermə hüququna malik vətəndaşların ümumi sayı 2 milyon 485 min 851 nəfərdir.

İyunun 7-də keçirilən Milli Məclis seçkilərində 18 siyasi qüvvə – 16 partiya və 2 blok iştirak edir.