Trampın İrana mesajı yenidən gündəmdə: “Hakimiyyəti geri alın”

ABŞ Prezidenti Donald Tramp İrana ünvanladığı və ilk dəfə hərbi əməliyyatların başladığı gün yayımlanan müraciətini yenidən gündəmə gətirib.

Army.az xəbər verir ki, Tramp videonu özünün Truth Social hesabında paylaşaraq İran xalqına “azadlıq saatının yaxınlaşdığını” bildirib.

Sözügedən görüntülərdə ABŞ liderinin iranlıları ölkədə hakimiyyəti geri almağa çağırdığı görünür:

“İranın böyük və qürurlu xalqı, azadlıq saatınız çox yaxındır. Biz işimizi bitirdikdən sonra suverenliyinizi və hakimiyyətinizi geri alın. Bu hakimiyyəti geri qaytarmaq sizin haqqınızdır”.